NAMBARI MOJA YA SIMU KUTUMIKA KATIKA MITANDAO YOTE TANZANIA

Katika kuboresha kiwango cha huduma ya mawasiliano ya simu nchini Tanzania, Mamlaka ya mawasiliano TCRA imeanzisha mfumo wa utumiaji namba moja katika mitandao yote ujulikanao kama mobile number Portability...

Waziri wa Ujenzi, Uchukuzi na Mawasiliano, Profesa Makame Mbarawa amezionya kampuni za simu kutoweka mazingira ya kuwakwamisha wateja wanaotaka kuhamia mitandao mingine na kwamba watakaobainika kufanya hivyo hatua za kisheria zitachukuliwa.

Amesema hayo wakati akizindua mfumo mpya wa wateja kuhama mtandao mwingine bila kubadili namba ya simu. Waziri huyo alisema mtu kuhama mtandao anaoutaka ni jambo la hiari na kuwa kamwe kampuni zisifanye ujanja wa kuweka mazingira ya kukwamisha watu kuhama.

Alisema “Nizionye kampuni zitakazofanya ujanja ujanja wa kuweka mazingira ya kumkwamisha mteja anayetaka kuhama, watakaofanya hivyo tutawachukulia hatua za kisheria, na sitakuwa na huruma maana niko hapa kwa ajili ya maslahi ya Watanzania na tutasimamia sheria kweli kweli.”